Kornflextertan sem Albert elskar
Setja bókamerki
Kornflextertur eru tertur sem slá alltaf í gegn og þykja mikill herramannsmatur. Hann Albert Eiríksson er einn mesti sérfræðingur þessa lands í veitingum kvenfélaga en þessi uppskrift var á boðstólum í kaffiveislu kvenfélaga í Eyjafjarðasveit.
Albert fullyrðir að þetta sé ein sú besta sem hann hefur smakkað og þá er hún góð!
Matarbloggið hans Alberts er hægt að nálgast HÉR.
Kornflexterta
- 4-5 eggjahvítur
- 2 b flórsykur
- 1 b kókosmjöl
- 4 b kornflex
Stífþeytið eggjahvítur og flórsykur. Bætið við kókosmjöli og kornflexi.
Bakið í tveimur kringlóttum formum – á 130°C í um 3 klst.
Á milli
- 1/2 l rjómi
- 1/2 dós perur
Stífþeytið rjómann, saxið perurnar og bætið þeim saman við.
Krem ofan á kökuna
- 4-5 eggjarauður
- 60 g flórsykur
- 100 g suðusúkkulaði – brætt í vatnsbaði
- 50 g lint smjörlíki eða smjör
- Hrærið saman smjörlíki og flórsykri. Bætið eggjarauðum saman við og þeytið áfram. Að síðustu fer súkkulaðið saman við.
Setjið annan botninn á tertudisk. Dreifið úr perurjómanum yfir og setjið hinn botninn ofan á. Dreifið úr súkkulaðikreminu yfir og skreytið með jarðarberjum.
Skaut sex sinnum að feðginum á aðfangadagskvöld
Vonast til að tjaldbúðir við HÍ standi áfram
Kaldasti veturinn kom að óvörum
Bergnuminn í Hvalfirði
Væri að ljúga ef ég segðist ekki stressaður
Telur forsendur fyrir vaxtalækkun