Öryggismiðstöðin hélt veglegan haustfagnað í Borgarleikhúsinu þar sem sumarið var kvatt með stæl. Haustfagnaðurinn er löngu orðin árleg hefð hjá Öryggismiðstöðinni og ávallt mikið í hann lagt. Fjöldi gesta lagði leið sína á viðburðinn og troðfyllti Borgarleikhúsið þar sem einvala lið listamanna steig á svið. KK & föruneytið hófu leik og Ellen Kristjánsdóttir var gestur þeirra. Eftir hlé stigu Jónas Sig & milda hjartað á pall og nánast rifu þakið af húsinu. Mikil stemning var meðal gesta sem sungu með frábærum flutningi listamannanna.

„Þessi árlegi viðburður hefur stækkað jafnt og þétt og er fyrir löngu orðinn fastur liður í huga starfsmanna og okkar bestu viðskiptavina og velunnara,“ segir Ómar Örn Jónsson, markaðsstjóri Öryggismiðstöðvarinnar.