Það eru ekki allir hrifnir af bert á milli tískunni en þó má finna fjölmargar stjörnur sem greinilega elska að klæðnaðurinn sé kominn aftur í tísku. Í sumar hafa allt frá íslenskum samfélagsmiðlastjörnum til stjarnanna í Hollywood sýnt á sér magavöðvana í stuttum bolum.
Samfélagsmiðlastjarnan Sunneva Eir er afar dugleg að ganga í fötum með bert á milli.
Leikkonan Katie Holmes sást í hvítum topp og hvítum suttubuxum í stíl á stefnumóti með Jamie Foxx á dögunum, aðeins nokkrum vikum eftir að þau voru sögð vera hætt saman.
Jennifer Lopez skellti sér líka út á lífið með kærastanum með bert á milli þegar hún klæddist röndóttum buxum og toppi í stíl.
Raunveruleikastjarnan og athafnakonan Kim Kardashian hætti líklegast aldrei að klæðast bert á milli og er það daglegt brauð þegar stjarnan berar á sér magann.
Söngkonan Beyoncé var komin í sumargírinn í febrúar og birti mynd af sér á Instagram í stuttri hettupeysu og gulu pilsi.
Leikkonan Kristen Stewart sést oft með bert á milli. Á kvikmyndahátíðinni í Cannes í vor breytti hún þó aðeins til og klæddist opinni hvítri skyrtu við buxur á rauða dreglinum.
Olivia Munn var með bert á milli í vor þegar hún kynnti sér föt Stellu McCartney.