Nú styttist óðum í páskana og eflaust margir orðnir ansi spenntir fyrir því að komast í smá frí til að hlaða batteríin, hvort sem hleðslan á sér stað uppi í sófa með páskaegg í annarri og fjarstýringuna í hinni, eða í snævi þakinni skíðabrekkunni.
Óskalista vikunnar prýða því tíu fallegar vörur sem gera páskana enn betri – allt frá hinni fullkomnu skál undir páskaeggið yfir í áhugaverða blómaskreytingavöru frá Japan!
Um páskana eiga þægindi og notalegheit að vera í fyrsta sæti. Þess vegna eru þessar flottu buxur fullkomnar, en þær eru í þægilegu náttbuxna-sniði en geta þó auðveldlega verið notaðar yfir daginn og lítið mál að dressa þær upp!
Páskarnir eru draumur fyrir matgæðinga, enda fylgir þeim yfirleitt nóg af góðum mat og kræsingum. Þú ert enga stund að setja borðstofuborðið í páskabúning með þessum fallega kökudisk frá danska merkinu Rice.
Þó notalegheitin séu í fyrsta sæti yfir páskana þarf alls ekki að fórna lúkkinu. Þessi fallega peysa frá Axel Arigato er til dæmis bæði ofurþægileg og guðdómlega falleg!
Það getur verið snúið að finna góða skál undir páskaeggið, en hún þarf að vera hæfilega stór og djúp, en fagurfræðin á bak við skálina skiptir ekki síður máli. Það kæmi ekki á óvart ef páskaeggið bragðast enn betur upp úr þessum fallegu skálum eftir Hildi Árnadóttur, en þær eru handgerðar úr keramiki og einstaklega formfagrar.
Það er ferðahugur í mörgum yfir páskana, en hvort sem þú ætlar upp í sumarbústað eða til útlanda þá mun þessi stílhreina taska koma sér vel! Þú kemur öllu fyrir í töskunni sem þú gætir þurft yfir langa helgi, en þar að auki er taskan minimalísk og stílhrein.
Njóttu þess að fara í langt og notalegt páskabað áður en þú vefur þessu fagurgula handklæði frá FRAMA utanum þig. Þegar þú ert búin að nota það er tilvalið að hengja það til þerris inni á baðherbergi og í leiðinni fríska upp á rýmið með smá páskalitagleði!
Taktu páskavöndinn upp á næsta „level“ með japanskri blómaskreytingalist! Svokallað Kenza samanstendur af hvössum pinnum sem fastir eru í blýplötu, en blómum og greinum er stundið í kenzaninn til að búa til fallegar skreytingar sem gleðja augað.
Þessi flotti bolur frá Sporty and rich er fullkominn fyrir þá sem vilja vera töff um páskana! Paraðu hann við víðar gallabuxur og flotta tösku fyrir einfalt en töffaralegt lúkk.
Þessi fallegi kassi frá Lakrids by Bülow mun slá í gegn hjá öllum sælkerum, en hann inniheldur nokkrar mismunandi bragðtegundir sem taka bragðlaukana í ævintýraferð!
Hyljari úr Super BB-línu Erborian er góð viðbót í snyrtibudduna fyrir páskana, en hyljarinn gefur mikla þekju en virkar líka sem húðvara.