ÍBV hefur skrifað undir samning við bandarísku knattspyrnukonuna Madison Wolfbauer, hún mun spila með liðinu út tímabilið.
ÍBV situr í 4. sæti í Bestu deild kvenna með 17 stig eftir 10 leiki.
ÍBV kynnti Madison til leiks á heimasíðu sinni í dag en hún er 22 ára gamall sóknarmaður og kemur til Íslands frá næstefstu deild í Frakklandi þar sem hún lék fyrr á árinu.
Hún var valin sóknarmaður ársins í Mið-Ameríkudeildinni í fyrra þegar hún lék með knattspyrnuliði sínu í Bowling Green-háskólanum.
ÍBV fékk annan bandarískan sóknarmann fyrir tímabilið, Sydney Carr, en hún meiddist illa í fyrsta leik tímabilsins og lék einungis um 6 mínútur með félaginu.