Fyrsti leikur Manchester United í ensku úrvalsdeildinni í knattspyrnu á þessu keppnistímabili er heimaleikur gegn Crystal Palace á morgun.
Liðið sótti sig mjög eftir því sem leið á síðasta tímabil og þó útlitið hefði ekki verið bjart lengi vel átti það góðan endasprett og náði að lokum þriðja sætinu þannig að keppnisréttur í Meistaradeild Evrópu var tryggður.
Ole Gunnar Solskjær knattspyrnustjóri segir að liðið sé í mótun og stefni hátt en upprifjun frá síðasta tímabili má sjá í meðfylgjandi myndskeiði.
Leikur Manchester United og Crystal Palace hefst klukkan 16.30 á morgun á Old Trafford og er sýndur beint á Símanum Sport.