Öflugt lið Frakka vann 3:1 sigur gegn Ítölum í vináttleik sem fram fór á Allianz Riviera vellinum í Nice í kvöld.
Frakkar komust í 2:0 á fyrsta hálftíma leiksins með mörkum frá Samuel Umtiti og Antoine Griezmann úr vítaspyrnu. Varnarmaðurinn Leonardo Bonucci minnkaði muninn fyrir Ítala á 36. mínútu en Ousmane Dembele innsiglaði sigur Frakkana á 63. mínútu leiksins.
Frakkar eru að undirbúa sig undir HM en Ítalir sátu eftir með sárt ennið og verða ekki með í úrslitakeppni HM í fyrsta sinn síðan 1958.