Gríðarlegt áfall fyrir landsliðið

Fimleikakonan Kolbrún Þöll Þorradóttir er meidd og missir því af Evrópumótinu í hópfimleikum sem fram fer í Lúxemborg og hefst í vikunni.

11 ára lagði hún óhollustuna til hliðar

Þetta tilkynnti hún á samfélagsmiðlum í dag en Kolbrún Þöll sleit hásin degi áður en íslenska liðið lagði af stað til Lúxemborg.

Þetta er gríðarlegt áfall fyrir íslenska liðið, sem á titil að verja á mótinu í kvennaflokki, en Kolbrún Þöll er fremsta hópfimleikakona landsins.

Hún varð önnur í kjörinu á íþróttamanni ársins á síðasta ári þegar handknattleiksmaðurinn Ómar Ingi Magnússon var útnefndur íþróttamaður ársins.

„Seinasta æfingin fyrir EM fór því miður ekki eins og ég ætlaði mér,“ skrifaði Kolbrún á Instagram.

„Hásinin var ekki alveg með mér í liði og ákvað að gefa sig kvöldið fyrir brottför. 

Hlakka til að sjá stelpurnar mínar blómstra og uppskera í Lúxemborg og styðja við þær á hliðarlínunni,“ bætti Kolbrún við.

• Blogga um frétt