Handknattleikssamband Íslands er með átakið „Æfum heima“ í gangi á samfélagsmiðlum en þar sýnir landsliðsfólk í handbolta ýmsar æfingar sem hægt er að gera í einangruninni heima.
Í dag sýnir landsliðsmaðurinn Sveinn Jóhannsson, sem spilar með SönderjyskE í Danmörku, árangursríkar æfingar með teygju sem hægt er að spreyta sig á bæði heima og úti. HSÍ skorar á iðkendur að deila sínum eigin æfingum með sambandi á samfélagsmiðlum en einn heppinn þátttakandi mun vinna landsliðstreyju og handbolta í verðlaun.
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.