Serbinn Nikola Jokic var valinn verðmætasti leikmaður NBA deildarinnar en tilkynnt var um verðlaunin í nótt. Þetta er í þriðja skipti sem Jokic hlýtur nafnbótina á fjórum árum.
Nikola Jokic hlaut nokkuð örugga kosningu en Kanadamaðurinn Shai Gilgeous-Alexander (Oklahoma City Thunder) var annar í kjörinu og Slóveninn Luka Doncic (Dallas Mavericks) varð þriðji. Jokic jafnar goðsagnirnar Larry Bird, Magic Johnson og Moses Malone á lista yfir þá sem oftast hafa hreppt verðlaunin.
The complete voting results for the 2023-24 Kia NBA Most Valuable Player. pic.twitter.com/Dqbd7MaRjC
— NBA Communications (@NBAPR) May 8, 2024
Lið Jokic, Denver Nuggets, deildi efsta sæti Vesturdeildarinnar með Oklahoma City Thunder en Jokic átti 25 þrefaldar tvennur á tímabilinu. Denver er þó í vandræðum í úrslitakeppninni þessa stundina en liðið hefur tapað fyrstu tveimur leikjunum gegn Minnesota Timberwolves í 8 liða úrslitum.
Einungis fjórir leikmenn hafa unnið verðlaunin oftar en Jokic, þeir Kareem Abdul-Jabbar, Michael Jordan, Bill Russell, Wilt Chamberlain og Lebron James.
Nikola Jokić has been named the Kia NBA MVP for the third time, having previously earned the honor in the 2020-21 and 2021-22 seasons.
— NBA Communications (@NBAPR) May 8, 2024
The nine-year NBA veteran from Serbia is the ninth player to win three or more MVPs. pic.twitter.com/7WfS3RxOMP