Tveir drepnir í Mogadishu fyrir að horfa á knattspyrnu

Hermenn íslamista í Sómalíu drápu tvo í höfuðborginni Mogadishu þegar þeir ætluðu að tvístra hópi manna sem horfði á leik í heimsmeistarakeppninni í knattspyrnu í gær. Klerkastjórnin í borginni hefur bannað allt áhorf á afþreyingu í sjónvarpi og kvikmyndahúsum eftir að lög kóransins, sharia, voru tekin þar upp.

Hópur unglinga neitaði að sögn að yfirgefa kvikmyndahúsið þar sem leikur Þýskalands og Ítalíu var sýndur og hófu uppreisnarmennirnir þá skothríð með þeim afleiðingum að eigandi kvikmyndahússins og stúlka létust.

• Blogga um frétt