Stjörnuspá mán. 21. maí. 2012
Nú er tíminn til þess hafa samband við vini og vandamenn, einkum þá, sem þú hefur ekki séð lengi. Einfaldleikinn er bestur.
Þú kynnist mörgum í starfi þínu og þarft að muna að ekki eru allir viðhlæjendur vinir. Þú ert til í að leggja ýmislegt á þig fyrir ástina.
Láttu það ekki slá þig út af laginu, þótt einhverjir vilji fara hraðar í hlutina, en þú telur við hæfi. Þú ert á þeim stað í lífinu að þig þyrstir í ævintýri.
Listrænar hugmyndir fanga athygli þína í seinni tíð. Fátt jafnast á við lestur góðrar bókar þegar hvíldar skal njóta.
Þú hefur yndi af skáldsögum og lætur þig dreyma um að skrifa eina sjálf/ur. Sinntu skáldagyðjunni í þér. Þú hefur engu að tapa?
Óvæntir atburðir á fjármálasviðinu koma þér á óvart en þú getur gefið þér tíma til að gera þér mat úr stöðunni. Notaðu tækifærið til að skella þér í fjallgöngu ef veður leyfir.
Þú hefur mikla þörf fyrir vináttu. Einhver á eftir að sýna raunverulegan styrk sinn í erfiðu máli. Mundu að borða reglulega, ekki bara á kvöldinl
Það er alltaf auðveldara, þegar einhver eða einhverjir halda um hlutina með manni. Magn er ekki sama og gæði. Vandaðu orðaval þitt.
Valdabarátta getur gert það að verkum að þú finnir til máttleysis í dag. Kannaðu fjárhaginn og sjáðu hvað er á þínu færi.
Þú stendur eins og klettur í öllu því róti sem í kringum þig er. Vertu bara þakklát/ur og mundu að sönn vinátta snýst um það að gefa og þiggja.
Í dag viltu vera umvafinn fólki sem gerir ekki rellu út af smámunum. Dagdraumar þínir gætu hlaupið með þig í ógöngur.
Það getur reynst heilladrjúgt að eiga trúnaðarvin. Sýna skoðunum annarra virðingu þótt þú sért ósammála þeim. Einhver slær þig út af laginu í stutta stund í dag.
Hvernig eiga merkin saman?
Veldu stjörnumerki úr valgluggunum að neðan og smelltu svo á Birta.