Verkfall sjómanna „veruleg vonbrigði“

„Það eru veruleg vonbrigði að koma skuli til verkfalls þegar búið var að ná saman í öllum helstu málum fyrr í dag.“

Þetta segir Jens Garðar Helgason, formaður Samtaka fyrirtækja í sjávarútvegi, en kjaraviðræðum sjó­manna og vél­stjóra á fiski­skip­um við út­gerðir var slitið á tí­unda tím­an­um í kvöld.

Strönduðu þær á mönnunarmálum á uppsjávarskipum og því hófst verkfall sjómanna nú klukkan 23.

„Við vorum búin að ná saman um fiskverð, aukið fjármagn í hlífðarfatnað, aukinn orlofsrétt og nýsmíðaákvæðið, þegar komið var með kröfu um lágmarksfjölda rétt undir lokin á viðræðunum,“ segir Jens Garðar í samtali við mbl.is.

Þá tekur hann fram að enn sé verið að semja við vélstjóra. Þær viðræður gangi vel.

• 1 blogg um fréttina

Bloggað um fréttina

• Ægir Óskar Hallgrímsson: Óhæfir viðsemjendur!!