Forsvarsmenn sjómanna vonast til að í tengslum við gerð kjarasamninganna fáist ákveðin skattfríðindi hjá ríkinu vegna afnáms sjómannaafsláttarins á sínum tíma.

Eins og fram kom í Morgunblaðinu í gær fékkst vilyrði í þessa veru hjá fjármálaráðherra sl. sumar þegar gengið var frá kjarasamningi sem var síðar felldur í atkvæðagreiðslu.

Í kynningu á nýgerðum samningi ganga samninganefndir sjómanna greinilega út frá því að við þetta verði staðið um næstu áramót. Þar segir í skýringu á bókun um fæðispeninga sjómanna að „í viðræðunum í sumar óskuðu samningsaðilar eftir því við fjármálaráðherra að fæðispeningar sjómanna á fiskiskipum teldust ekki til skattskyldra launa þar sem þeir greiða fæði sitt sjálfir. Fjármálaráðherra lýsti þá yfir vilja til að koma að hluta til móts við óskir samningsaðila. Málið komst hins vegar ekki á dagskrá Alþingis þar sem samningurinn var felldur.“

Tengdar fréttir

Kjaraviðræður

„Bjartsýni mín hefur minnkað síðustu daga“

• Boðar ekki fund og verkföll fram undan að óbreyttu
• Skriður kominn á viðræðurnar
• Staðan alvarleg og stutt í aðgerðir
• Vonast til að menn sjái alvöru málsins

» Fleiri tengdar fréttir