Erfið fæðing?

Næst verður fundað hjá samninganefndum sjómanna og Samtaka fyrirtækja í sjávarútvegi í dag kl. 14. Ef marka má orð samningamanns er enn langt á milli samningsaðila.

Vilhjálmur Birgisson, formaður Verkalýðsfélags Akraness, á sæti í samninganefnd Sjómannasambands Íslands.

Vilhjálmur deildi því á Facebook í morgun að margir sjómenn hefðu haft samband við hann til að athuga hvernig „fæðing“ nýs samnings gengi. 

Svar hans var á þá leið að vilji menn bera viðræður milli sjómanna og útgerða við fæðingar almennt, sé því til að svara að eins og mál standi nú sé útvíkkun engin. Þá sé hreinlega spurning hvort sprengja þurfi belginn eða gefa útgerðarmönnum hríðaörvandi hormón til að liðka fyrir því að nýr samningur líti dagsins ljós í nánustu framtíð.

Mynd af Facebook-síðu Vilhjálms.

• 1 blogg um fréttina

Bloggað um fréttina

• Björn Jónsson: Farið inná....