Fundur að hefjast í sjómannadeilunni
Þorvaldur Arnarsson
Setja bókamerki
Staðan er alvarleg í kjaraviðræðum sjómanna og útgerða. Fundað verður hjá Ríkissáttasemjara í dag kl. 13.
Samninganefndarmenn kveðast efins um að samningar náist í dag ef samningsaðilar beggja vegna borðsins slá ekki af kröfum sínum.
Síðasti fundur samninganefndanna fór fram í síðustu viku, en þá sigldu viðræðurnar í strand eftir að ljóst varð að gjáin milli samningsaðila í veigamiklum málum væri óyfirstíganleg að svo komnu máli.
Þá verður ekki annað lesið úr orðum Vilhjálms Birgissonar, samningamanns Sjómannasambands Íslands, en að verulega beri enn í milli samningsaðila og að enn sé talsvert í land svo sjómenn geti samþykkt nýja samninga.
Fundað stíft á landsbyggðinni
Verkalýðsfélög sjómanna vítt og breitt um landið hafa fundað með sínum félagsmönnum undanfarna daga og kynnt þeim framgang viðræðna hingað til. Ekki verður annað séð en að mikill einhugur ríki í röðum sjómanna og krefjast þeir þess að tekið verði tillit til þeirra helstu krafna.
Sjá: Baráttuhugur í Húsvíkingum
Sjá: Baráttufundur sjómanna á Akureyri
Sjá: Fjölmennasti fundur í sögu félagsins
Haft var eftir Heiðrúnu Lind Marteinsdóttur, framkvæmdastjóra Samtaka fyrirtækja í sjávarútvegi, að nú þyrfti að koma á daginn hvort forsvarsmenn sjómanna teldu líkur á því að mögulegt væri að ná samningum sem sjómenn gætu fellt sig við.
Það verður því áhugavert að fylgjast með niðurstöðu fundarins í dag, og 200 mílur verða að sjálfsögðu með puttann á þeim púlsinum.
Yfir 300 stæði fóru undir hraun
Fullvissa ferðamenn um að hér sé öruggt
Hraun kemur úr þremur gígum: Virknin stöðug
Viðræður ekkert þokast frá því á þriðjudag
„Höfum sloppið bærilega með skaða af þessu gosi“
Sólveig Anna furðar sig á aðferðum kennara
Drónamyndskeið frá hápunkti gossins í nótt