Samtök sjómanna vísa því á bug að það sé á ábyrgð þeirra að sundur gekk í kjaraviðræðum við útgerðarmenn. Samtök fyrirtækja í sjávarútvegi hafi ekki treyst sér til að koma til móts við sanngjarnar og réttlátar kröfur sjómanna. 

Þetta kemur fram í fréttatilkynningu frá samninganefnd sjómanna.

Fram kemur að staðan sem upp er komin sé alvarleg, en mikil og góð vinna hafi farið fram í samninganefndum sjómanna og útvegsmanna.

Samskiptin hafi verið til fyrirmyndar og samninganefndirnar náð ágætlega saman. Góður árangur hafi náðst í nokkrum kröfum að mati samninganefndanna. Útvegsbændur hafi þó ekki verið tilbúnir að koma til móts við meginkröfur sjómanna og þess vegna sé málið komið á það stig að viðræður eru strand.

Fréttatilkynningin fer hér á eftir:

Vegna þeirrar alvarlegu stöðu sem upp er komin í kjaradeilu sjómanna og útvegsmanna vilja samtök sjómanna að eftirfarandi komi fram:

Samninganefndir sjómanna, Sjómannasambands Íslands, Sjómanna- og vélstjórafélags Grindavíkur, Verkalýðsfélags Vestfirðinga og Sjómannafélags Íslands lýsa yfir vonbrigðum að slitnað hefur upp úr viðræðunum. Ofangreind samtök sjómanna vísa því til föðurhúsanna að það sé á ábyrgð sjómanna að sundur gekk. Samtök fyrirtækja í sjávarútvegi treystu sér ekki að koma til móts við sanngjarnar og réttlátar kröfur sjómanna til lausnar deilunni.

Mikil og góð vinna hefur farið fram í samninganefndum sjómanna og útvegsmanna.  Samskiptin hafa verið til fyrirmyndar og samninganefndirnar náð ágætlega saman. Góður árangur hefur náðst í nokkrum kröfum að mati samninganefndanna. Útvegsbændur eru ekki tilbúnir að koma til móts við meginkröfur sjómanna og þess vegna er málið komið á það stig að viðræður eru strand.

F.h. samninganefnda sjómanna,

Valmundur Valmundsson.

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir

• 2 blogg um fréttina

Bloggað um fréttina

• Ægir Óskar Hallgrímsson: Útgerðin er að kosta þjóðina mikla fjármuni!!
• Björn Jónsson: Dæmalaus kjaftagangur.