„Verða að hætta þessari störukeppni“
Setja bókamerki
Varasamt er að stjórnvöld grípi inn í kjaradeilu sjómanna þar sem það gæti skapað slæmt fordæmi vegna kjaraviðræðna sem fram undan eru. Þetta sagði Þorgerður Katrín Gunnarsdóttir, sjávarútvegs- og landbúnaðarráðherra, þegar hún kom af ríkisstjórnarfundi í ráðherrabústaðnum við Tjarnargötu í Reykjavík í dag. Ítrekaði hún að ekkert slíkt stæði til.
„Það er hluti af þessari kannski heildarsýn sem við erum að reyna að draga fram í stjórnarsáttmálanum. Að breyta kjarasamningslíkaninu, reyna að einfalda skattkerfið og gera það gegnsærra og vera með sem fæstar undanþágur. En staðan í þessu máli er mjög alvarleg og ég hef mestar áhyggjur af hinum dreifðu byggðum landsins,“ sagði Þorgerður.
Ráðherrann fær væntanlega síðar í dag í hendurnar skýrslu um þjóðhagslegt tap vegna verkfalls sjómanna. „Þjóðhagslegt tap bara á hverjum degi er gríðarlegt,“ segir Þorgerður. Skýrslan muni þó ekki fara ofan í kostnað hvers sveitarfélags eða áhrif á minni fyrirtækja. Til þess hefði þurft lengri tíma. Fyrst og fremst sé um að ræða stóra tölu sem vinnist til baka.
„En hún dregur jú fram hve málið er alvarlegt og þessir deiluaðilar verða einfaldlega að hætta þessari störukeppni,“ sagði Þorgerður. Spurð hvort hún óttaðist að verkfallið leiddi til samþjöppunar í sjávarútvegi sagðist Þorgerður gera það að vissu leyti. Talað hefði verið um að afleiðingin gæti verið sú að stóru útgerðirnar tækju yfir þær sem minni væru.
Hins vegar væru stærstu útgerðirnar alveg við 12% hámark aflahlutdeildar. Það væri því ekki einboðið að sú yrði raunin. „En það er ljóst að tjónið er að verða mikið. Bæði úti á landi og, já, á meðal minni útgerða. Þetta mun kalla á aukna hagræðingu.“
Hentugt gos fyrst gýs á annað borð
Yfir 300 stæði fóru undir hraun
Reiðubúin að aflýsa verkföllum í fjórum leikskólum
Pútín reynir allt til að forðast aðra herkvaðningu
Dómur þyngdur um þrjú ár
Nýtt fangelsi í landi Stóra-Hrauns tilbúið 2028
Sjötti ferðamaðurinn er látinn
Vegirnir voru eins og borðstofuborð