Sjómenn funda í baklandinu á morgun

Sjómenn munu hittast á morgun og funda í baklandi sínu um stöðu og framgang mála í yfirstandandi verkfalli sjómanna. „Við ætlum að hittast á morgun og spjalla saman um hvað er í stöðunni og hvað ekki,“ segir Valmundur Valmundsson, formaður samninganefndar sjómanna.

Engar nýjar fréttir eru af deilunni um helgina en Valmundur segir að fundurinn á morgun verði óformlegur. „Ég held að það verði líklega fundur hjá samninganefndum allra félaganna á morgun. Sjómannasambandið er með sína samninganefnd og hin félögin líka,“ segir Valmundur.

Sjómenn hafa ekki verið boðaðir aftur til fundar hjá sáttasemjara.

• 1 blogg um fréttina

Bloggað um fréttina

• Helga Dögg Sverrisdóttir: Dagpeningar á vinnustað?