Samninganefndir sjómanna ætla að gera Samtökum fyrirtækja í sjávarútvegi tilboð að lausn í sjómannadeilunni. Þetta er niðurstaða fundar Samn­inga­nefnd­ar sjó­manna sem fram fór í húsi Alþýðusam­bands Íslands og lauk um klukkan þrjú í dag.

„Þetta var bara fínn fundur hjá okkur,“ segir Valmundur Valmundsson, formaður Sjó­manna­sam­bands Íslands, í samtali við mbl.is. „Það var ákveðið að gera bara útgerðarmönnum tilboð sem samninganefndin var einhuga um að gera,“ segir Valmundur. 

Að sögn Valmundar er búið að leggja allar línur varðandi tilboðið og verður það kynnt SFS í dag. Hann vill ekki tjá sig frekar um hvað felst í tilboðinu enda sé honum ekki heimilt að tjá sig um það í fjölmiðlum.

„Ég vil ekkert segja um það núna, það er ekkert um það að segja,“ segir Valmundur, spurður hvort að slakað verði með einhverjum hætti á kröfum sjómanna með tilboðinu. Hann vill ekki heldur tjá sig um það hvort útgerðinni verði gefinn einhver ákveðinn tímarammi til að vega og meta tilboðið og bregðast við því.

Þá segir Valmundur að ekkert hafi verið ákveðið varðandi framhald fundahalda vegna verkfallsins.

Valmundur Valmundsson og kollegar hans í samninganefnd sjómanna. mbl.is/Árni Sæberg

Tengdar fréttir

Kjaraviðræður

Telur dóminn ekki hafa áhrif á viðræður

• Dómurinn hafi ekki áhrif á verkföll í framhaldsskólum
• „Ljóst mál að fólk mætir í vinnuna á morgun“
• Verkföll kennara ólögmæt
• „Það er búið að þvarga hérna fram og til baka“

» Fleiri tengdar fréttir

Kjaramál sjómanna

Djúpkarfakvótinn tryggði laun sjómanna

• Verðlagsstofuverð þorsks hækkar mikið
• „Þetta er hrein og klár misnotkun“
• Sjómönnum tryggt 54% meira fyrir þorskinn
• „Er þetta réttlát skipting?“

» Fleiri tengdar fréttir

• Blogga um frétt