Sjómenn hafna tilboði SFS
Setja bókamerki
„Við höfnuðum því,“ segir Valmundur Valmundsson, formaður Sjómannasambands Íslands, um gagntilboð samninganefndar Samtaka fyrirtækja í sjávarútvegi sem sjómönnum var afhent síðdegis í dag. „Og við vorum snöggir að því. Tilboðið okkar í gær var lokatilboð, það stendur þannig.“ Segir hann tilboðið sem sjómenn lögðu fram í gær vera endanlegt og óumsemjanlegt.
Í dag gerði SFS gagntilboð líkt og mbl.is greindi frá fyrr í dag og vonaðist Heiðrún Lind Marteinsdóttir, framkvæmdastjóri SFS, til þess að það væri farið að sjá fyrir endann á deilunni. Valmundur segir mikið hafa verið á milli þess sem SFS bauð í gagntilboðinu og tilboðinu sem sjómenn lögðu fram í gær.
Engir samningar komi ríkið ekki að málum
Spurður út í aðkomu ríkisstjórnarinnar að kjaradeilunni segir Valmundur það ljóst að það verði enginn samningur komi ríkið ekki til móts við deiluaðila með breytingum á skattkerfinu sem miða að því að fæðispeningar sjómanna verði skattfrjálsir.
Þorgerður Katrín Gunnarsdóttir, sjávarútvegs- og landbúnaðarráðherra, sagði í útvarpsviðtali í morgun að hún sé mótfallin sértækum aðgerðum, þar á meðal niðurgreiðslu launa fyrir útgerðarmenn, og sagði Valmundur í samtali við mbl.is fyrr í dag að sjómenn telji þetta ekki vera sértækar aðgerðir. „Það er ekki verið að niðurgreiða nein laun,“ sagði hann í samtali við mbl.is fyrr í dag.
„Þetta er algjörlega geðveikt“
Mikið vatn ógnaði rafmagni og tölvukerfum
Aukin áhersla á samtal um varnarmál
Litla stelpan með perlurnar
Fjölmiðlafólk rekið út
Tregða í verðbólgunni
Undrandi að ég væri ekki eskimói
/frimg/1/54/60/1546099.jpg)
„Það stærsta sem ég hef séð í minni tíð“