Fundur stendur enn yfir milli sjómanna og Samtaka fyrirtækja í sjávarútvegi hjá ríkissáttasemjara en fundurinn hófst rétt eftir klukkan tíu í kvöld, eða strax eftir að fulltrúar sjómanna komu út af fundi Þorgerðar Katrínar Gunnarsdóttur, sjávarútvegs- og landbúnaðarráðherra, þar sem hún lagði fram málamiðlunartillögu í deilunni.

Frétt af mbl.is

Lagði fram málamiðlunartillögu

Bryndís Hlöðversdóttir ríkissáttasemjari vildi ekki tjá sig um framhald viðræðnanna inn í nóttina eða um tillögu Þorgerðar Katrínar. Um tuttugu fulltrúar sjómanna í samninganefnd Sjómannasambandsins og nokkrir fulltrúar VM, Félags vélstjóra og málmtæknimanna, sitja fundina hjá ríkissáttasemjara sem og samninganefnd SFS og starfsmenn samtakanna.

Deiluaðilar hafa lítið viljað tjá sig um gang viðræðna að öðru leyti en að útlit sé fyrir að reynt verði að semja inn í nóttina.

Verkfall sjómanna hefur staðið yfir í rúmlega tvo mánuði og er lagt mikið kapp á að leysa verkfallshnútinn sem fyrst til þess að ís­lensku fiski­skip­in nái að veiða sinn hluta af loðnu­kvót­an­um áður en loðnan hrygn­ir og drepst en loðnukvótinn var stóraukinn fyrr í vikunni.

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir

• Blogga um frétt