Þorgerður Katrín Gunnarsdóttir landbúnaðar- og sjávarútvegsráðherra segist lengi hafa talað fyrir breytingu á fyrirkomulagi gjaldtöku í sjávarútvegi og staðan sem nú sé komin upp sýni að æskilegt sé að fara vel yfir stöðu mála.

„Ef bara er horft á veiðigjaldið eins og það er núna er ekki heppilegt að leggja afkomuna eins og hún var fyrir tveimur árum til grundvallar í dag, sérstaklega í ljósi stöðu gjaldmiðilsins,“ segir Þorgerður en samkvæmt reglugerð um veiðigjöld fyrir komandi fisveiðiár, sem ráðherra birti sl. fimmtudag, er áætlað að veiðigjaldið verði um ellefu milljarðar króna. Þetta er ríflega tvöföldun frá því í fyrra.

„Þessi hækkun átti ekki að koma neinum á óvart og útgerðarmönnum átti að vera þetta ljóst. Leikreglurnar og reiknilíkanið lágu fyrir og það verður ekki gerð breyting þar á fyrr en niðurstaða sáttanefndarinnar liggur fyrir í lok þessa árs.“

Tengdar fréttir

Veiðigjöld

Skattahækkun þýðir samdrátt

• Milljarðar greiddir í veiðigjald
• 23 prósenta aukning veiðigjalda
• „Eins og að pissa í skóinn sinn“
• Veiðigjaldið skili 14,3 milljörðum

» Fleiri tengdar fréttir