„Skipin stækka og sjómönnum fækkar“
Setja bókamerki
Alls mega 54 sjómenn vænta uppsagnarbréfa frá HB Granda á næstu dögum. Þetta kom fram á fundi forsvarsmanna fyrirtækisins með áhöfn Þerneyjar RE-1 síðdegis í dag. Lög um hópuppsagnir gilda ekki um áhafnir skipa.
Var skipverjunum tjáð að þeir muni ganga fyrir í laus pláss á öðrum skipum útgerðarinnar. Ljóst má þó vera að ekki er þar pláss fyrir alla, að sögn Bergs Þorkelssonar, gjaldkera Sjómannafélags Íslands, sem sótti fundinn fyrir hönd félagsins.
27 eru í áhöfn skipsins á hverjum tíma, en hún er tvöföld. Margir sjómannanna hafa starfað lengi fyrir HB Granda og eru þeir flestir með þriggja mánaða uppsagnarfrest.
Aukin sjálfvæðing í sjávarútvegi
„Útgerðin er að láta smíða nýtt skip sem hún fær afhent eftir tvö ár,“ segir Bergur í samtali við mbl.is. „Ég myndi halda að það skip eigi að leysa af Þerney og eitthvert eitt annað skip.“
Bætir hann við að fram hafi komið á fundinum að HB Grandi hafi ekki sett skipið á söluskrá. Óvænt tilboð hafi borist og því hafi verið tekið. Söluverðið er, eins og 200 mílur greindu frá fyrr í dag, 1,4 milljarðar íslenskra króna.
Aðspurður hvort sala skipsins og uppsögn áhafnarinnar sé þannig til marks um aukna sjálfvæðingu í sjávarútvegi, segir Bergur að svo sé.
„Það er bara þannig. Skipin stækka og sjómönnum fækkar.“
200 mílur greindu fyrst frá fundarboði HB Granda með áhöfn skipsins og fulltrúa Sjómannafélags Íslands.
Vara við hættulegum vindum í Los Angeles
Tvisturinn seinn í helmingi tilvika
Aldrei lagt hald á meira magn af efninu í einu
„Sjaldan orðlaus en ég er það í þessu tilfelli“
Atkvæði urðu innlyksa í Kópavogi
Býður sig hvorki fram í varaformann né ritara
„Ísland hefur veitt mér mikinn innblástur“
/frimg/1/54/14/1541441.jpg)
Vísað úr landi en þarf að fara í skurðaðgerð