Viðbótaraflaheimildum í makríl úthlutað

Úthlutað hefur verið viðbótaraflaheimildum í makríl vegna umsókna sem bárust í síðustu viku. Þetta kemur fram á vef Fiskistofu. Að þessu sinni bárust fjórar umsóknir og voru þrjár samþykktar. Fjórðu umsókninni var hafnað þar sem skip uppfyllti ekki kröfu um veiðiskyldu, stærðarmörk eða greiðslu.

Úthlutunin að þessu sinni var 105 tonn og fékk hvert skipanna þriggja 35 tonn. Heildarúthlutun þessa árs er 455 tonn og 1.545 tonn eru því eftir í pottinum sem verða til sölu í næstu viku. 

• Blogga um frétt