Vill sjómanninn á vegg ráðhúss Bolungarvíkur

Fleiri hafa boðið sjómanninn sem prýddi útvegg Sjávarútvegshússins við Skúlagötu velkominn, en mbl.is greindi í gær frá áhuga Elliða Vignissonar bæjarstjóra Vestmannaeyja á að fá sjómanninn til Vestmannaeyja.

Jón Páll Hreinsson bæjarstjóri í Bolungarvík.

Elliði var þó ekki fyrstur til þess að bjóða sjómanninn velkominn heldur var bæjarstjóri Bolungarvíkur fyrri til. „Sjómaðurinn á heima í Bolungarvík,“ skrifaði Jón Páll Hreinsson bæjarstjóri á Facebook-síðu sína á miðvikudag.

Frétt af mbl.is

Býður sjómanninn velkominn til Eyja

„Það eru fáir staðir á landinu sem eiga sjómönnum meira að þakka en hér í Bolungarvík og það síðasta sem við myndum gera er að mála yfir listaverk þeim til heiðurs,“ skrifar hann og leggur meðal annars til vegg ráðhúss bæjarins undir verkið.

„Ég veit að sjómenn í Bolungarvík og samfélagið allt mundi taka vel á móti þessu verkefni.“

• 2 blogg um fréttina

Bloggað um fréttina

• Njörður Helgason: Mynd í litlu Moskvu!
• Jóhannes Ragnarsson: Var myndin af erlendum útigangsmanni eða íslenskum sjómanni?