„Lifandi plaggið“ andvana fætt
Setja bókamerki
„Ég mun ekki samþykkja að lögfesta „lifandi plagg“ ef það er ekkert meira en andvana fætt.“
Þetta segir Teitur Björn Einarsson, þingmaður Sjálfstæðisflokksins í Norðvesturkjördæmi, um þær tillögur starfshóps um stefnumótun í fiskeldi sem kynntar voru í gær.
Skrifar hann um málið á Facebook-síðu sinni. Segir hann þar að í tillögunum sé eitt og annað gagnlegt og muni nýtast í frekari umræðu. Annað sé þó óásættanlegt og ófullnægjandi.
„Það hefur legið fyrir nú um tíma að tillögur sem fjalla ekkert um eða greina ekki samfélagsleg áhrif og hagsmuni fólks í þeim byggðarlögum sem mest eiga undir hafa eðli máls samkvæmt mjög takmarkað gildi einar og sér sem einhver grundvöllur að breiðri samstöðu,“ segir Teitur Björn.
Áður hefur verið gagnrýnt að í áhættumati Hafrannsóknastofnunar, sem starfshópurinn leggur til að byggt verði á, sé ekki tekið tillit til hagsmuna íbúa á svæðum þar sem fiskeldi er stundað eða það fyrirhugað.
Þorgerður Katrín Gunnarsdóttir sjávarútvegsráðherra sagði í samtali við mbl.is í gær að Hafrannsóknastofnun undirstrikaði það að áhættumatið „er lifandi plagg og getur tekið breytingum, bæði í þá veru að auka fiskeldi og minnka það.“
Teitur Björn segist líta svo á að næsta skref sé að dýpka umræðuna og breikka hana, meðal annars með samtölum við íbúa, sveitarstjórnarmenn og vísindasamfélagið.
„Þá á eftir að fá botn í nokkur veigamikil atriði áður en lengra verður haldið. Til að mynda hversu hratt fullvinna á áhættumatið fyrir Ísafjarðardjúp þar sem tekið er mið af þeirri þekkingu og tækni sem til staðar er til að koma í veg fyrir hugsanlega erfðablöndun,“ segir Teitur Björn.
Bregðast ókvæða við: Pútín ekki tjáð sig
Kosninga- eða jólagos?
Niðurstöðunni fagnað: Ólög og óboðleg vinnubrögð
Varð að gefa dálítið af sjálfum mér
„Ég er náttúrulega alveg ósammála“
Setja til hliðar í bili kröfu um viðmiðunarhópa
„Mér var haldið sofandi í níu sólarhringa“
/frimg/1/52/93/1529389.jpg)
„Mér finnst þetta auðvitað ömurleg staða“