Óvissa um framtíð togararalls Hafró

Forsvarsmenn Hafrannsóknastofnunar hafa áhyggjur af framtíð togararallsins svokallaða þar sem erfiðlega hefur gengið að fá skip leigt í verkefnið.

Japanstogararnir svokölluðu, sem upphaflega tóku þátt í rallinu, eru fáir eftir í rekstri og lítill áhugi hefur verið hjá útgerðum annarra togara að taka þátt í því.

„Við höfum í sjálfu sér skilning á því að þessi skip eru atvinnutæki og hugsuð sem slík, en ekki sem rannsóknatæki. Þessi staða er hins vegar bagaleg fyrir fiskirannsóknir þar sem togararallið gegnir veigamiklu hlutverki,“ segir Sólmundur Már Jónsson, fjármálastjóri Hafrannsóknastofnunar, í umfjöllun um mál þetta í Morgunblaðinu í dag.