Landssamband smábátaeigenda gagnrýnir að dragnótaveiðar skuli nú hafa verið leyfðar á ákveðnum svæðum á grunnslóð, en tímabundin reglugerð var ekki framlengd. Fyrirsögn pistsils á vef sambandsins ber fyrirsögnina: „Ráðherra í starfsstjórn – hvað má og hvað ekki?“

Rifjað er upp að í lok ágúst sl. hafi sjávarútvegsráðherra ákveðið að framlengja bann við veiðum með dragnót um tvo mánuði, þar til 31. október. Í tölvupósti frá ráðuneytinu hafi verið vakin athygli á að framlenging veiðibanns væri markaður stuttur tími þar sem ráðherra væri að skoða hvort þörf væri á breytingum í framhaldi af vinnu starfshóps á vegum ráðuneytisins. Áður en ráðherra tæki afstöðu var óskað eftir athugasemdum frá LS sem afgreiddar voru 14. október.

Þar var tillögu starfshópsins harðlega mótmælt og segir þar að „veiðarfærið á einungis að nýta til veiða á flatfiski en ekki koma nálægt veiðum á grunnslóð á bolfiski.“

Svæði opnuð með því að segja pass

Síðan segir á vefsíðu LS: „Aðgerðarleysi heimilar notkun stórvirkra veiðarfæra á svæði sem hefur verið friðað í rúm 7 ár. Þar sem svæðin hafa verið lokuð í svo langan tíma var ekki reiknað með að sjávarútvegsráðherra mundi gera þar breytingar á þegar hann væri í raun umboðslaus. Öðru nær, engin reglugerð gefin út og dragnótaveiðar heimilaðar á þessum viðkvæmu svæðum frá og með... 1. nóvember.

LS harmar þá stöðu sem upp er komin og lítur svo á að með því að segja pass hafi ráðherra opnað svæði sem hafi verið lokað. Hann hefði átt að framlengja reglugerð um lokun til að tryggja óbreytta stöðu. Skorað er á ráðherra að gefa nú þegar út reglugerð sem framlengir lokun umræddra svæða fyrir veiðum með dragnót.“

Tengdar fréttir

Smábátaveiðar

Góð aflabrögð hjá bátunum á Suðureyri

• Lýsa áhyggjum af línuívilnun
• Bjóða milljarð í þorskkvóta
• Aðalfundur LS haldinn í fertugasta sinn
• Strandveiðiflotinn skilaði 5 milljörðum króna

» Fleiri tengdar fréttir

• Blogga um frétt