Milljarðar lagðir í Rafnar

Fyrirtækið Rafnar, sem smíðar báta á grundvelli uppfinningar Össurar Kristinssonar stoðtækjasmiðs, vinnur nú að samstarfssamningum við rótgróin fyrirtæki í Bandaríkjunum og Kanada.

Stefna fyrirtækin á smíði báta úr áli, sem byggjast á fyrrnefndri hugmynd. Með smíðinni er ætlunin að taka þátt í stórum útboðum sem hermála- og löggæsluyfirvöld ásamt strandgæsluliði í löndunum standa fyrir og leitt gætu til samninga um smíði tuga eða hundraða báta.

Össur segir að reynslan af hinu byltingarkennda skrokklagi, sem fyrirtækið byggir grundvöll sinn á, muni breyta siglingaheiminum til frambúðar. Eiginleikar þess hafi yfirburði yfir aðra hönnun á markaðnum bæði hvað orkunýtingu, hraða og öryggi varðar.

Í viðtali í  ViðskiptaMogganum í dag lýsir hann því hvað geri báta fyrirtækisins einstaka í sinni röð.