Svissneskur skipstjórnardúx

„Ég var mjög hissa en á sama tíma alveg gríðarlega ánægður að ljúka D-réttindum til skipstjórnar með hæstu einkunn,“ segir Etienne Menétrey, nýútskrifaður dúx Tækniskólans, en hann útskrifaðist með 9,49 í einkunn frá skipstjórnarbraut skólans.

Etienne er fæddur og uppalinn í Nendaz í Sviss en ákvað að flytja hingað til lands fyrir um þremur árum og leggja stund á nám við Tækniskólann.

„Þegar ég hafði íhugað vel og lengi á hverju ég hefði mestan áhuga ákvað ég að það væri rökrétt skref að flytja til Íslands. Ég hafði mikinn áhuga á því að læra tungumálið og kynnast landinu en auk þess er áhugi minn á siglingum gríðarlegur og ég held að það sé gott að læra þau fræði hér,“ segir Etienne sem hefur lengi haft dálæti á Íslandi.

Sjá viðtal við Etienne Menétrey í heild á baksíðu Morgunblaðsins í dag.