Köstuðu upp vegna fnyksins

„Lyktin var alveg hræðileg,“ sagði Hjálmar Sigurjónsson, skipstjóri á Ljósafelli, eftir að hann kom í land með fimmtíu tonn af afla aðfaranótt föstudags, en til þeirra tíðinda bar í túrnum að áhöfnin fékk hræ af hval í trollið.

„Þeir sem köstuðu upp yfir borðstokkinn gerðu það ekki vegna veðurs og sjóveiki heldur vegna fnyksins af hvalhræinu,“ bætti Hjálmar við brosandi.

Áhöfnin náði að skilja hræið að frá aflanum og losa það aftur í hafið, þar sem það flaut á yfirborðinu og varð að veisluborði fyrir fuglana, að því er segir á vef Loðnuvinnslunnar.

Skammt er síðan fregnir bárust af hvalreka á Hvalsnesi, en þar var um að ræða 17 metra langreyði.

Frétt af mbl.is

Magra langreyði rak á land á Hvalsnesi

• 1 blogg um fréttina

Bloggað um fréttina

• Jóhann Elíasson: ERU EKKI ÖFGARNIR AF "HVALAFRIÐUNINNI" AÐ KOMA Í BAKIÐ Á …