Segir sig úr stjórn HB Granda
Setja bókamerki
Guðmundur Kristjánsson, forstjóri Brims, hefur sagt sig úr stjórn HB Granda og ritaði undir skjal þess efnis fyrr í dag. Þetta kemur fram í tilkynningu frá útgerðinni.
Eins og áður hefur verið greint frá ákvað stjórn félagsins að ganga til samninga við Vilhjálm Vilhjálmsson, sem setið hafði í stóli forstjóra frá 2012, um starfslok hans í júnímánuði. Á sama fundi ákvað stjórnin að ráða Guðmund, sem þá var orðinn stjórnarformaður félagsins, sem forstjóra.
Í kjölfarið skipti stjórn með sér verkum á ný og var Magnús Gústafsson kjörinn nýr stjórnarformaður, en búast má við að Guðmundur taki nú formlega við starfi forstjóra fyrirtækisins.
Guðmundur keypti 34,1% eignarhlut í HB Granda af Kristjáni Loftssyni og Halldóri Teitssyni í apríl síðastliðnum. Stofnaðist þá til yfirtökuskyldu og gerði Guðmundur öðrum hluthöfum tilboð. Alls tóku 222 hluthafar tilboðinu, sem áttu samtals 54.880.508 hluti í HB Granda, og nemur eignarhlutur Brims hf. og tengdra aðila því 37,96% í HB Granda.
Hafði áður gagnrýnt rússnesk stjórnvöld
Heimilar Úkraínu að nota langdrægar eldflaugar
Gagnrýnir Vesturlönd harðlega vegna Úkraínu
Afgreiðsla búvörulaga í andstöðu við stjórnarskrá
Annar sæstrengur rofinn: Svíar á varðbergi
Oddvitar Norðvesturkjördæmis svara
Enn frekari uppsagnir hjá Controlant
Sæstrengur rofinn og grunur um skemmdarverk