Eldislax við það að hrygna veiddur
Setja bókamerki
Fengist hefur staðfesting á því með lífsýnum að tveir laxar sem nýlega veiddust í Fífustaðadalsá í Arnarfirði eru eldislax af norskum uppruna. Fjallað er um málið á vef Iceland Review.
Rannsóknin var framkvæmd af rannsóknarfyrirtækinu Laxfiskum og lífsýnin send til greiningar hjá Matís, en laxeldisfyrirtækið Arnarlax er með starfsemi í Arnarfirði í sjókvíum. Fyrr á þessu ári slapp umtalsvert magn af laxi of norskum uppruna úr kvíum þess en ekki er vitað nákvæmlega hversu margir.
Enn fremur segir að laxarnir tveir sem veiddust hafi verið að því komnir að hrygna. Haft er eftir Jóhannesi Sturlaugssyni líffræðingi að fjórir eldislaxar hafi veiðst á þessu ári í íslenskum laxveiðiám. Þetta séu hins vegar þeir fyrstu sem hafa verið við það að hrygna.
Þetta geti haft ýmsar mjög alvarlegar afleiðingar fyrir villta laxastofninn í íslenskum ám. Jóhannes bendir á reynsluna frá Noregi þar sem vilti stofninn eigi mjög erfitt uppdráttar jafnvel þó eldislaxinn sé af norskum uppruna.
Ákvörðun Trumps veldur titringi
Viljum hvorki vera Danir né Bandaríkjamenn
„Sársauki okkar er nístandi“
Þykir gott að flóðin féllu
Skotinn til bana við skyldustörf
Stefnt að afgreiðslu Íslandsbankasölu á vorþingi