Tekið verður fyrir mál Heiðveigar Maríu Einarsdóttur, sem bauð sig fram til formennsku í Sjómannafélagi Íslands en var síðan rekin úr félaginu í kjölfarið, í félagsdómi í dag. Dómurinn mun í dag fjalla um frávísunarkröfu félagsins þar sem þess er krafist að öllum liðum málsins verði vísað frá dómi fyrir utan sjálfa brottvikninguna.

Frétt af mbl.is

„Ófyrirsjáanlegur farsi“

Kolbrún Garðarsdóttir, lögmaður Heiðveigar, segir í samtali við mbl.is að hinir liðirnir snúi að lögmæti þeirrar kröfu að félagsmenn í Sjómannafélagi Íslands verði að hafa greitt til félagsins í þrjú ár til þess að vera kjörgengir innan þess, viðurkenningu á kjörgengi Heiðveigar, miska- og skaðabætur og kröfu um greiðslu sektar í ríkissjóð. 

Kolbrún segist aðspurð vona að niðurstaða félagsdóms liggi fyrir í næstu viku en dómurinn skili venjulega fjótt niðurstöðu. Það verði annars einfaldlega að koma í ljós. Hins vegar sé hægt að kæra niðurstöðuna til Hæstaréttar og viðbúið að það verði gert. Það muni Heiðveig þó aðeins gera verði kjörgengi hennar ekki viðurkennt.

Hæstiréttur fer í leyfi næsta mánudag og stendur það fram til 4. janúar. Kolbrún segir dómstólinn taka um mánuð í að úrskurða í kærumálum sem þýði að málið muni skila sér aftur til félagsdóms hugsanlega í febrúar. Þá muni væntanlega liggja fyrir hvaða liðir málsins verði teknir til efnislegrar umfjöllunar fyrir honum.

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Sukkið í Sjómannafélaginu