Arnarlax yfirfari verklag
Setja bókamerki
Matvælastofnun segir að Arnarlax hafi brugðist rétt við þegar gat uppgötvaðist á sjókví fyrirtækisins í Arnarfirði 22. janúar síðastliðinn, en gerir kröfu um að fyrirtækið yfirfari verklag til þess að fyrirbyggja að sambærilegt tjón eigi sér aftur stað.
Orsök tjónsins reyndist vera galli í framleiðslu nótarpokans, sem leiddi til þess að átak á hann varð rangt, samkvæmt niðurstöðum eftirlits Matvælastofnunar.
„Gatið uppgötvaðist við skoðun kafara á nótarpoka. Ekki er vitað hvenær gatið myndaðist en síðasta skoðun kafara áður en tjón kom í ljós var 3. desember. Enginn eldislax hefur veiðst í net sem lögð voru af Arnarlaxi í samráði við Fiskistofu,“ segir í tilkynningu frá Matvælastofnun.
Viðbragðsáætlun fyrirtækisins var virkjuð og tilkynning barst Matvælastofnun og Fiskistofu sama dag og tjónið uppgötvaðist. Viðbragðsáætlun var aðgengileg á eldissvæði og starfsmenn eldisins höfðu fengið viðeigandi þjálfun, samkvæmt tilkynningunni.
Inga Sæland fyrir og eftir ráðherrastólinn
Ekki tekist að vernda börn þrátt fyrir vitneskju
„Ég hef verið kjaftaskur mikill“
Harry fær tvo milljarða í bætur
Stefnt að afgreiðslu Íslandsbankasölu á vorþingi
Viljum hvorki vera Danir né Bandaríkjamenn