„Það ríkir bölvuð vetrartíð“

„Hér hef­ur feng­ist þokka­leg­ur afli en það er miklu minna af fiski en hef­ur verið um þetta leyti árs síðustu þrjú árin. Þá er fisk­ur­inn dreifður og stygg­ur. Það er æt­is­leysi á slóðinni og til dæm­is lítið um spær­ling. Ætis­leysið ger­ir það að verk­um að það fisk­ast vel á lín­una,“ seg­ir Birg­ir Þór Sverris­son, skip­stjóri á Vest­manna­ey VE.

Að sögn Birg­is er varla hægt að full­yrða að vertíð sé haf­in af krafti.

„Tog­veiðiskip­in gera það hins veg­ar ekki eins gott og síðustu ár en segja má að við séum kröfu­h­arðir því við erum orðnir svo góðu van­ir. Ég hef trú á því að mikið af vertíðar­fisk­in­um eigi eft­ir að ganga hér á miðin og afl­inn á eft­ir að aukast. Hafa verður í huga að vetr­ar­vertíð hef­ur oft ekki haf­ist fyrr en í byrj­un mars,“ er haft eft­ir Birgi á vef Síld­ar­vinnsl­unn­ar.

„Við höf­um að und­an­förnu mest verið að fiska í Háfa­dýp­inu, á Pét­urs­ey og erum nú út af Vík í Mýr­dal. Veður hef­ur verið að stríða okk­ur tölu­vert og staðreynd­in er sú að við höf­um mest verið að skjót­ast út á milli lægða. Það rík­ir bölvuð vetr­artíð um þess­ar mund­ir.“

• 1 blogg um frétt­ina

Bloggað um frétt­ina

• Ní­els A. Ársæls­son.: Þorsk­ur­inn svelt­ur