Tengir makríldeiluna við EES
Setja bókamerki
Vegna aðildar Íslands að samningnum um Evrópska efnahagssvæðið (EES) er hægt að ætlast til þess að Íslendingar eigi í nánu samstarfi við Evrópusambandið varðandi verðar á makríl. Þetta segir Chris Davies, þingmaður Frjálslyndra demókrata á þingi sambandsins og formaður sjávarútvegsnefndar þingsins, í samtali við mbl.is.
Davies hefur farið hörðum orðum að undanförnu um þá ákvörðun íslenskra stjórnvalda að setja sér einhliða makrílkvóta í íslensku efnahagslögsögunni og auka hann. Hefur hann sagt ákvörðunin til marks um græðgi og ábyrgðarleysi. Þá hefur hann ítrekað tengt aðild Íslands að EES-samningnum við makríldeiluna.
Þannig sagði Davies eftir fund með fulltrúum sjómanna á Hjaltlandseyjum á dögunum að ákvörðun Íslendinga væri ekki framganga vinaþjóðar svo ekki væri talað um aðildarríkis að EES. Í Morgunblaðinu í dag er haft eftir þingmanninum að þó Ísland væri sjálfstætt strandríki væri það einnig aðili að EES-samningnum.
Davies segir að ummæli hans séu fyrst og fremst birtingarmynd vonbrigða með Ísland. Þó Íslendingar væru ekki í Evrópusambandinu tækju þeir upp mikið af regluverki sambandsins. Vonbrigði hans sneru að því að Ísland virtist hafa snúið baki við samstarfsríkjum sínum þegar kæmi að sjálfbærum veiðum.
Hins vegar hlakkaði hann til þess að heyra sjónarmið íslenskra embættismanna á óformlegum fundi í Brussel á þriðjudaginn í næstu viku. Komið hefur fram að Davies muni funda með framkvæmdastjórn Evrópusambandsins daginn eftir þar sem hann ætli að kalla eftir því að gripið verði til refsiaðgerða gegn Íslandi ef þess þurfi.
Spurður í hverju mögulegar refsiaðgerðir kunni að felast og hvort þær muni þá hugsanlega tengjast aðild Íslands að EES-samningnum með einhverjum hætti í ljósi ummæla hans svarar Davies því til að hann eigi von á því að leggja spurningar þess eðlis fyrir fulltrúa framkvæmdastjórnarinnar á fundinum eftir rúma viku.
Vonir bundnar við morgundaginn
Auka aðgengi að Grindavík
Sendi nektarmyndir af dreng sem hann passaði
Börnin eiga að ýta við foreldrum sínum
Vinna hefst í dag við að reisa undirstöður
Fæðuöryggi: „Áttum mat í þrjár vikur“
Fundur hafinn hjá kennurum, ríki og sveitarfélögum
Ekki hægt að slá gosið út af borðinu strax