Stjórnsýslan í kringum fiskeldi efld
Setja bókamerki
Meðal helstu áherslumála nýs fjárlagafrumvarps sem kynnt var á dögunum er aukið fjármagn til að bæta stjórnsýslu og eftirlit með fiskeldi og lagfæring á fjármögnun Hafrannsóknastofnunar. Þetta kemur fram í fréttatilkynningu.
Mælt er í frumvarpinu fyrir um 750 milljóna króna framlagi til rannsókna og fjárfestinga. „Þar er annars vegar um að ræða 600 milljóna króna framlag í byggingu nýs hafrannsóknaskips sem mun stórefla grunnrannsóknir. Alls hefur þá verið varið 900 milljónum króna til þessa verkefnis sem sérstök byggingarnefnd hefur umsjón með. Í síðustu viku skrifuðu Hafrannsóknastofnun og Ríkiskaup undir samning um útboðsvinnu fyrir skipið.“
Hafrannsóknastofnun öll á einum stað
Enn fremur er um að ræða 150 milljóna króna framlag til Hafrannsóknastofnunar vegna samdráttar í framlögum úr Verkefnasjóði sjávarútvegsins til stofnunarinnar. „Umræða um stofnunina að undanförnu hefur varpað skýru ljósi á veikleika varðandi það hvernig hún hefur verið fjármögnuð undanfarin ár. Hafrannsóknarstofnun hefur verið mjög háð framlögum úr Verkefnasjóði sjávarútvegsins og hafa tekjurnar lækkað mikið á undanförnum árum. Með fjárlagafrumvarpi næsta árs er verið að breyta þessu fyrirkomulagi og tryggja stofnuninni fastar tekjur þannig að Hafrannsóknastofnun verður ekki lengur háð sveiflukenndum tekjustofnum með tilheyrandi óvissu fyrir kjarnastarfsemina.“
Sömuleiðis fær Hafrannsóknastofnun á þessu ári aukin fjárframlög til húsnæðismála, en á næstu mánuðum mun stofnunin koma sér fyrir í nýju húsnæði í Hafnarfirði þar sem öll starfsemin verður þá undir sama þaki.
Þá er í frumvarpinu kveðið á um 175 milljóna króna framlag til bættrar stjórnsýslu, eftirlits og heilbrigðiskrafna í fiskeldi. „Þetta framlag verður meðal annars til þess að styrkja eftirlit og stjórnsýslu Matvælastofnunar með fiskeldi. Jafnframt verður það nýtt til að setja á fót rafræna gátt sem ætluð er til að birta opinberlega tilteknar upplýsingar um greinina en slíkar gáttir eru þekktar m.a. í Færeyjum og Noregi. Auk þess má nefna að inn í þessari tölu er gert ráð fyrir auknu fjárframlagi til Umhverfissjóðs sjókvíaeldis en sjóðurinn hefur það meginmarkmið að lágmarka umhverfisáhrif sjókvíaeldis.“
Mikilvægt að byggja brýr
Tvöfalt fleiri börn hefja meðferð við átröskun
Birtumagn í íbúðir hverfur nánast
2,2 milljarðar greiddir í gjafsókn einkaaðila
Landsbankinn segir að skoða þurfi málið nánar
Fólk sem „vill koma aftur“ hafi skorað á Guðlaug
Kennarar hafi lagt fram sömu tillögu í breyttri mynd
Greiningum fjölgar og kostnaður eykst