Efnt verður til sérstakrar vinnu í atvinnuvegaráðuneytinu vegna verðmunar á afla í sjávarútvegi. „Ég vænti að ég geti kynnt fljótlega á næsta ári með hvaða hætti við ætlum að standa að því verki en það er komið í ákveðið ferli og þar er miðað við að það verði óháð rannsókn sem leiði í ljós einhverjar skýringar á þeim verðmun sem hefur verið í umræðunni á Íslandi.“

Þetta kom fram í svari Kristjáns Þórs Júlíussonar sjávarútvegsráðherra við fyrirspurn Loga Einarssonar, þingmanns Samfylkingarinnar, í óundirbúnum fyrirspurnartíma á Alþingi í dag.

Tilefni fyrirspurnar Loga var Samherjamálið svokallaða og velti Logi því fyrir sér hvort einhver brögð væru í tafli í íslenskum sjávarútvegi. Nefndi hann þar m.a. óútskýrða milliverðlagningu og mun á verðmæti einstakra tegunda eftir því hvort þær væru seldar hérlendis eða í nágrannalöndunum.

„Verð á makríl í Noregi árið 2018 var til að mynda 300% hærra en á Íslandi. Mikilvægt er að rannsaka málið því að ef fótur er fyrir þessu er verið að hafa fé af sjómönnum, af sveitarfélögum og af ríkinu. Þetta er því nauðsynlegt bæði fyrir almenning en ekki síður útgerðarfyrirtækin sjálf,“ sagði Logi.

Kristján Þór sagðist geta tekið undir þær athugasemdir sem komið hefðu fram um nauðsyn þess að gera á þessu hlutlæga athugun.

Tengdar fréttir

Samherji í Namibíu

Vilja skoða tölvu Jóhannesar

• Þúsundir smáskilaboða fundust í tölvu
• Vandar Jóhannesi ekki kveðjurnar
• Óvíst hvort niðurstaðan verður kærð
• Yfirframleiðandinn kominn með stöðu sakbornings

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Grýla gafst uppá rólinu.