Kórónuveira á skurðbrettum heildsala
Setja bókamerki
Stórar dagvöruverslanir í Peking höfuðborg Kína, þar á meðal Carrefour og Wumart, hafa stöðvað sölu á laxi í kjölfar þess að uppgötvaðist kórónuveira á skurðbrettum heildsala í borginni og skapaðist ótti um að smit gæti borist með afurðum sem unnar hafa verið á umræddum skurðbrettum, þrátt fyrir að veirufræðingar hafi sagt að veiran geti ekki borist í menn úr fiski, að því er fram kemur í umfjöllun kínversku fréttaveitunnar Global Times.
Þar segir að blaðamenn Global Times hafi komið við í verslunum borgarinnar síðastliðinn laugardag og að þeir hafi hvergi fundið lax til sölu og að á mörgum stöðum hafði fiskborðum verið lokað.
Þá hafi lax verið til sölu hjá versluninni Walmart en að starfsmenn kínverska matvælaeftirlitssins í Shijingshan-héraði hafi mætt til þess að skrá lax og kjötvörur sem þar voru til sölu.
„Ég var ný búin að borða lax á sushistað,“ er haft eftir Fan Jingli, íbúa í Peking. Hún kvaðst ætla að fara í sýnatöku til þess að útiloka að hún hafi smitast af kórónuveirunni. Fram kemur að margir sushi-veitingastaðir í borginni hafi fjarlægt lax af matseðli sínum.
Kína flytur inn um það bil 80 þúsund tonn af frosnum og kældum laxi á ári hverju og vex magnið ár frá ári. Megnið af laxafurðum í Kína eru flutt inn frá Síle, Noregi, Færeyjum, Ástralíu og Kanada.
„Höfum sloppið bærilega með skaða af þessu gosi“
Hulda saksóknari: „Tökum þetta ekki til greina“
Flestir sem hvergi finnast koma frá Sómalíu
Reiðubúin að aflýsa verkföllum í fjórum leikskólum
Ökumaður í símanum valdur að umferðarslysi
„Sá vegur er bæði háll og myrkur“