Fyrstur dráttarbáta til að hljóta kvenmannsnafn

Faxaflóahafnir og Sveitarfélagið Ölfus skrifuðu undir kaup og sölu á dráttarbátnum Jötni fyrr í dag. Við kaupin mun báturinn fá nafnið Herdís og verður það fyrsti dráttarbáturinn í sögu hafnarreksturs á Íslandi sem ber kvenmannsnafn.

Frétt af mbl.is

Jötunn fer til Þorlákshafnar

Þetta kemur fram í tilkynningu frá Sveitarfélaginu Ölfusi. Jötunn var smíðaður í Hollandi árið 2008 og hefur verið í eigu Faxaflóahafna síðan. Hann er 19,3 metra langur og 96 brúttótonn og dráttarkraftur hans upp á 27 tonn. Kaupverðið er 220,5 milljónir króna.

Með nafninu Herdís er vísað til eins þekktasta kennileitis sveitarfélagsins, Herdísarvíkur í Selvogi, þar sem lengi vel var kunn verstöð með fjölda sjóbúða og sér enn fyrir tóftum margra þeirra, að því er segir í tilkynningu.

• 1 blogg um fréttina

Bloggað um fréttina

• Jóhannes Ragnarsson: Ótrúlega sóðaleg árás á konur og transfólk