Pompeo: Kröfur Kína í Kínahafi ólögmætar

Mike Pom­peo, ut­an­rík­is­ráðherra Banda­ríkj­anna, til­kynnti í dag að banda­rísk stjórn­völd teldu „flest­ar“ kröf­ur Kína um yf­ir­ráð yfir hafsvæðum í Suður-Kína­hafi ólög­mæt­ar. Er til­kynn­ing Pom­peo nýj­asta vend­ing­in í deil­um stór­veld­anna tveggja sem virðast stig­magn­ast með degi hverj­um. CNN grein­ir frá þessu.

Pom­peo sagði að álykt­un banda­rískra stjórn­valda styrkti stefnu Banda­ríkj­anna og full­yrti að „kröf­ur Pek­ing á auðlind­ir við strend­ur víðsveg­ar við strend­ur Suður-Kína­hafs“ væru „full­kom­lega ólög­mæt­ar“.

„Heim­ur­inn mun ekki leyfa Pek­ing að meðhöndla Suður-Kína­haf sem sigl­inga­veldi sitt. Am­er­íka stend­ur með banda­mönn­um okk­ar í Suðaust­ur-Asíu í því að vernda full­veld­is­rétt sinn á auðlind­um á hafi úti, í sam­ræmi við rétt­indi þeirra og skyld­ur sam­kvæmt alþjóðalög­um,“ sagði Pom­peo í langri yf­ir­lýs­ingu sinni. 

SÞ taldi að kröf­ur Kína ættu sér enga stoð í alþjóðalög­um

Ákvörðunin er sögð þýðing­ar­mik­il og stórt áfall í diplóma­tísku til­liti. Hún leyf­ir Banda­ríkj­un­um að benda á að at­hafn­ir Kína séu ólög­leg­ar og hvet­ur Evr­ópu­ríki til að gera líkt hið sama. 

Pom­peo seg­ir að með álykt­un sinni væru Banda­ríkja­menn að sam­ræma af­stöðu sína við ákvörðun dóm­stóls Sam­einuðu þjóðanna sem dæmdi Fil­ipps­eyj­um í hag og gegn kröf­um Kína sem byggðust á því að landið ætti sögu­leg­ar og efna­hags­leg­ar kröf­ur á stór­an hluta Suður-Kína­hafs. Dóm­ur­inn var á þá leið að kröf­ur Kína ættu sér enga stoð í alþjóðalög­um. 

Í yf­ir­lýs­ing­unni beindi Pom­peo jafn­framt spjót­um sín­um að til­raun­um Kína til að koma á kröf­um á hafsvæði inn­an svæða annarra landa. 

• 1 blogg um frétt­ina

Bloggað um frétt­ina

• Jón­as Gunn­laugs­son: Suður Kína­hafs svæðið, sem Kína tók, vill taka, af ná­grana …