Hvalir í raunstærð í Grindavík

Hrefna, hnísa og hnúfubakur í raunstærð blasa við þeim sem eiga leið um götuna Suðurhóp í Grindavík, en þeim er ætlað að sýna sjávarríkið við Grindavíkurhöfn og hægja á umferð í götunni. Fyrrnefndar hvalategundir halda til nærri Grindavík.

Gera má ráð fyrir að stærsti hvalur listaverksins, sem sést á götuhorninu, sé hnúfubakur. Hann er stærstur hvalategundanna og getur orðið 13-16 metrar á lengd. Ljósmynd/Aðsend

Á götuhorninu má sjá hnúfubak, sem vart væri hægt að koma fyrir í görðum einbýlishúsanna í kring en hann er langstærstur af tegundunum sem synda um Suðurhóp. Kvendýrin geta náð 13-14 metra lengd en karldýrin 15-16 metrum, en hrefnan verður aðeins um 5,5 metrar og hnísan 1,5 metrar. 

Götumálverkið er hannað af Margréti Ósk Hallgrímsdóttur, sem á rætur að rekja til Grindavíkur en flutti til Reykjavíkur til þess að læra grafíska hönnun í Listaháskóla Íslands. Margrét hefur komið að margvíslegum verkefnum, þar á meðal fyrir Biskupsstofu og Miðstöð sameinuðu þjóðanna svo dæmi séu tekin.

• 1 blogg um fréttina

Bloggað um fréttina

• Birna Kristjánsdóttir: Hvalræði í Grindavík..