RÚV ekki með gögnin um Samherja
Setja bókamerki
Ríkisútvarpið býr ekki yfir skjalinu sem Kastljós byggði umfjöllun sína á 27. mars 2012 um Samherja og meinta sölu afurða á undirverði til dótturfélags erlendis. Þetta kemur fram í svari Stefáns Eiríkssonar útvarpsstjóra við beiðni Samherja um að fá umrætt skjal afhent, að því er fram kemur í færslu á vef fyrirtækisins.
„RÚV hefur ekki umrætt skjal í fórum sínum lengur. Það var notað við vinnslu Kastljóssþáttar árið 2012 og afhent Seðlabankanum að hans ósk í febrúar það ár,“ segir í svari Stefáns. Þá hvetur hann Samherja frekar til þess að beina fyrirspurninni að Verðlagsstofu skiptaverðs eða Seðlabanka Íslands.
Í færslunni er fullyrt að svar útvarpsstjórans bendi til þess að þegar Stefán og Rakel Þorbergsdóttir fréttastjóri RÚV í síðustu viku í yfirlýsingu mótmæltu ásökunum Samherja, um að Helgi Seljan fréttamaður hafi átt við gögn um meinta sölu og að ekki væri til skýrsla sem studdi ásakanir í garð Samherja, höfðu þau ekki séð umrædd gögn.
„Svar útvarpsstjóra við erindi lögmanns Samherja bendir til þess að útvarpsstjóri og fréttastjóri hafi í reynd ekki vitað hvort Ríkisútvarpið hefði skýrsluna undir höndum, eða hvers eðlis skýrslan væri, áður en yfirlýsingin var birt. Eru því sterkar vísbendingar um fullyrðingar í yfirlýsingunni hafi verið settar fram án vitneskju um hvort þær væru sannar,“ segir í færslunni.
/frimg/1/17/20/1172040.jpg)
„Höfum sloppið bærilega með skaða af þessu gosi“
Hópur fólks reyndi að komast að eldgosinu
Sjötti ferðamaðurinn er látinn
/frimg/1/53/8/1530844.jpg)
Myndir: Náttúrulegur þröskuldur að taka við
Hentugt gos fyrst gýs á annað borð
Viðræður ekkert þokast frá því á þriðjudag
Hraun kemur úr þremur gígum: Virknin stöðug
Yfir 300 stæði fóru undir hraun