Þrír Íslendingar kunna að verða ákærðir í Namibíu
Setja bókamerki
Saksóknari í Fishrot-málinu tilkynnti í dag að hann hyggst leggja fram ákæru gegn þremur félögum sem tengjast Samherja. Vegna ákvæða laga þar í landi verða stjórnendur umræddra fyrirtækja einnig ákærðir og eru meðal þeirra þrír íslenskir ríkisborgarar.
Í málinu hafa nú þegar á þriðja tug Namibíumanna stöðu sakbornings, en við fyrirtöku málsins fyrir namibískum dómstólum í Windhoek í morgun lýsti saksóknari fyrirætlanir sínar um að leggja fram fleiri ákærur í fjárglæpamálinu.
Fram kemur í Namibian að fyrirhugaðar ákærur gegn þremur félögum sem tengjast Samherja og stjórnendum þeirra eru í alls 14 liðum og er á meðal þeirra ásakanir um fjársvik, peningaþvætti og spillingu.
Varist af fullum krafti
„Fyrirhuguð ákæra kemur ekki á óvart í ljósi þeirra ásakana sem saksóknarar í Namibíu hafa áður sett fram og byggja meira og minna allar á staðhæfingum Jóhannesar Stefánssonar sem stýrði útgerðinni í Namibíu en var sagt upp störfum sumarið 2016,“ segir Samherji í færslu á vef fyrirtækisins.
Þar segir að „útgerð namibískra félaga sem tengjast Samherja var lögð niður í lok árs 2019 og unnið er að því að slíta félögunum endanlega. Ásakanir á hendur umræddum fyrirtækjum og einstaklingum á þeirra vegum eiga ekki við rök að styðjast nú frekar en fyrr. Framhald þessa máls verður á næstu mánuðum. Ef ákæra verður gefin út á hendur áðurnefndum fyrirtækjum gefst Samherja þá fyrst kostur á að koma fram vörnum sínum en slíkri ákæru verður varist af fullum krafti.“
Helgi Seljan, fréttamaður á RÚV, tilkynnti á Twitter í dag að þrír íslenskir starfsmenn og stjórnendur Samherja hefðu verið ákærðir vegna málsins. Samherji upplýsir í samskiptum við 200 mílur að hið rétta sé að engar ákærur hafa verið lagðar fram, en eins og fyrr segir tilkynnti saksóknari þar ytra um áform sín um ákærur í morgun.
Efast um eitt frægasta morðmál Íslands
/frimg/1/54/4/1540428.jpg)
Dýr er dropinn og 53% fara til ríkisins
Pyntuðu mann í tvo tíma í Vatnagörðum
„Aldrei verið svona hrædd“
Skella skuldinni á Búseta
Vildu yfirráð Íslands á Grænlandi
Framsókn í Reykjavík vill flokksþing
Tveir fluttir á sjúkrahús eftir rútuslys við Hellu