Fjögur skip taka þátt í marsrallinu
Setja bókamerki
Stofnmæling botnfiska á Íslandsmiðum, svokallað marsrall, hófst í gær og mun standa yfir næstu þrjár vikur. Alls taka fjögur skip þátt í verkefninu og eru það að venju rannsóknarskipin tvö Árni Friðriksson og Bjarni Sæmundsson auk togaranna Breka VE og Gullvers NS.
Fram kemur á vef Hafrannsóknastofnunar að togað verður á tæplega 600 stöðvum á 20 til 500 metra dýpi umhverfis landið. „Helsta markmið er að fylgjast með breytingum á stofnstærðum, aldri, fæðu, ástandi og útbreiðslu botnfisktegunda við landið. Einnig verður sýnum safnað vegna ýmissa rannsókna, t.d. á mengunarefnum í sjávarfangi og mat lagt á magn ýmiss konar rusls á sjávarbotni.“
Marsrallið hefur farið fram með svipuðum hætti á hverju ári frá 1985. Þá var helmingur togstöðva í upphafi staðsettur af skipstjórum, en öðrum stöðvum var dreift um miðin með tilviljunarkenndum hætti.
Hafrannsóknastofnun hóf aftur merkingar á þorski í marsrallinu 2019 eftir nokkuð hlé og er ætlunin í marsralli ársins að merkja þorska á Vestfjarðamiðum og við Norðurland.
Hægt er fylgjast með rallinu í beinni.
Pabbi gafst bara upp
„Við viljum ekki missa unga fólkið okkar þangað“
„Hefur tekist að virkja fólkið í landinu með okkur“
/frimg/1/54/44/1544421.jpg)
Mörg hundruð milljónir í rafmagns lúxusbifreiðar fyrir lögregluna
Jóvin veldur usla: Mesti vindhraði í sögu landsins
Með þeim stærri sem hafa mælst