Áhöfn­in á Sól­rúnu EA-151 veiddi risaþorsk við Kol­beins­ey í nótt. Þorsk­ur­inn vó 51 kíló. 

Ekki ligg­ur fyr­ir hve þung­ir stærstu þorsk­ar sem veidd­ir hafa verið við Íslands­strend­ur hafa verið en ljóst er að þessi er með þeim stærri. 

Sól­rún rær frá Árskógs­andi og veiðir þessa dag­ana við Kol­beins­ey. Það er um átta klukku­tíma stím aðra leið að sögn Har­alds Ólafs­son­ar, há­seta og vél­stjóra um borð. 

Þegar dregið var, voruð þið ekk­ert smeyk­ir við að missa hann, svona þung­an fisk?

„Jú, þegar ég sá hann koma stoppaði ég spilið, lagði frá mér gogg­inn og tók upp hak­ann og setti í haus­inn á hon­um. Ég dró hann áleiðis upp, kallaði svo á Kristján og hann dró hann með mér. Hann var bara blóðgaður þarna á lunn­ing­unni og við rúlluðum hon­um í sam­ein­ingu ofan í lest,“ sagði Har­ald­ur. 

„Þetta var svona sól­strand­ar­gæi, eins og maður kall­ar þá. Svona gul-rauður.“

Stefán Þór Ólafs­son og sól­strand­ar­gæ­inn. Ljós­mynd/​Sindri Swan

Lang­ir róðrar

Kílóverðið sem Sól­rún hef­ur verið að fá er um 250 krón­ur, svo að fisk­ur­inn hef­ur verið um 12.750 króna virði.

Landað var úr Sól­rúnu í dag og var fisk­ur­inn vigtaður í landi, hann hafði þegar verið blóðgaður „svo þetta var kannski kíló í blóð“, sagði Har­ald­ur. 

Í áhöfn­inni eru ásamt Har­aldi Kristján Freyr Pét­urs­son skip­stjóri og Stefán Þór Ólafs­son há­seti. 

„Þetta var bara hörkuróður,“ seg­ir Har­ald­ur. Hann gerði 18,2 tonn á um 15.000 króka, beitt með síld. Sól­rún fór út í gær­morg­un um klukk­an fimm og kom heim um hálfell­efu í dag. Það ger­ir 29 klukku­stunda róður með 16 tíma stími báðar leiðir. 

Har­ald­ur seg­ir þorskinn á þess­um slóðum mis­jafn­an, hann sé ekki ein­ung­is boltaþorsk­ur. 

„Ann­ars er bara blíða hérna fyr­ir norðan. Hann asnaðist til að gera haf­golu hérna, ann­ars er heiðskírt og brak­andi sól­skin,“ seg­ir Har­ald­ur sem seg­ir þá fé­laga fara aft­ur út klukk­an fimm í fyrra­málið, í næsta róður, líka norður fyr­ir Gríms­ey.

Sól­rún EA-151 Ljós­mynd/​Sindri Swan

Tengd­ar frétt­ir

Krútt­leg dýr

Eig­and­inn festi mynda­vél á kött­inn – trúði varla eig­in aug­um!

• Óskar er kom­inn heim: Var týnd­ur í tæp 5 ár
• Vara við að sleppa gull­fisk­um – gæti þetta gerst á Íslandi?
• Elst­ur í heimi og gegn­ir mik­il­vægu starfi
• Héldu Minecraft-veislu – og rústuðu öllu!

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Geir Ágústs­son: Arðræn­ingj­ar!