Of margir tengi ekki við sjávarútveg

„Það er ákveðið vandamál hversu stór hluti þjóðarinnar tengir ekki við sjávarútveg. Það bara hinn pólitíski veruleiki, eða samfélagslegri veruleiki,“ sagði Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra á málstofunni Farsælt samband sjávarútvegs og íslensks hugvits - Auðlind vex af auðlind. 

Frétt af mbl.is

Beint: Sjávarútvegur og nýsköpun

Málþingið var haldið af Samtökum fyrirtækja í sjávarútvegi og Samtökum iðnaðarins á Hilton Nordica í morgun. 

Þórdís sagði áhugaleysi á sjávarútvegi vera áskorun.

„Og það er verkefni okkar allra að vinna. Það er enginn í þessu herbergi sem ekki áttar sig á þessu samhengi og hvað sterkur sjávarútvegur og sterk afleidd áhrif af honum hafa skipt miklu máli fyrir samkeppnishæfni landsins, ekki bara fyrir lífskjör heldur líka lífsgæði,“ sagði Þórdís. 

Frétt af mbl.is

Efna til fundar um nýsköpun og sjávarútveg

„Við erum núna á þeim stað og við sjáum það bara þegar við mælum það að það er of stór hluti landsmanna sem tengir ekki við sjávarútveg og kannski spyr sig; hvað er í þessu fyrir mig?“ bætti hún við.

Horfa má á málþingið í heild sinni hér: 

• 1 blogg um fréttina

Bloggað um fréttina

• P.Valdimar Guðjónsson: Ástæðan m.a. áhugaleysi fjölmiðla.