Íslendingar enn bara „dropi í hafið“
Setja bókamerki
Útflutningstekjur Norðmanna af laxeldisafurðum samsvöruðu árið 2020 þúsund milljörðum íslenskra króna.
Norðmenn framleiða og flytja mest út allra þjóða af laxeldisafurðum og var árið 2020 einnig metár í framleiðslu og útflutningi þar sem 1,1 milljón tonna eldisafurða var flutt út.
Til samanburðar námu heildarútgjöld íslenska ríkisins á kórónaveiruárinu 2020 alls um 990 milljörðum króna. Útflutningsverðmæti Norðmanna af eldisafurðum voru sömuleiðis meiri árið 2020 heldur en samanlagðar tekjur Íslendinga af vöru- og þjónustuútflutningi.
Þetta kemur fram í nýlegu fréttabréfi Samtaka fyrirtækja í sjávarútvegi, í samantekt undir fyrirsögninni „Dropi í stóru hafi“ þar sem umfang fiskeldis á Íslandi er borið saman við umfang þess í Færeyjum og í Noregi.
Þar segir að miðað við fréttir af stórauknum útflutningstekjum Íslendinga af fiskeldi gæti fólk haldið að Ísland sé orðið umsvifamikið á heimsvísu í eldi laxfiska, en svo sé ekki.
Árið 2020 var líka metár í útflutningi á eldisafurðum frá Íslandi. Alls voru flutt út um 24 þúsund tonn frá Íslandi, samanborið við 59 þúsund tonn frá Færeyjum og 1,1 milljón tonna frá Noregi, sem áður var minnst á. Fiskeldi í Noregi er því um fjörutíu og fimmfalt að umfangi miðað við Ísland.
Hefði mjög gjarnan viljað hitta hann
60 þúsund byggingar taldar í hættu
Hleypt úr fangelsum til að berjast við eldana
Stefnt að því að auka ekki útgjöld á árinu
„Ég á 10-15 vini sem eru búnir að missa allt“
Kölluðu til lögreglu á mótmæli Eflingar í Kringlu
/frimg/1/54/11/1541176.jpg)
Svona eru tilviljanirnar fyndnar